Kesyon yo poze souvan
Ki sa ki PLACES?
PLACES, pou pi kout se Postpartum Lifestyle and Cardiovascular Evaluation Study, se yon etid rechèch ki itilize sondaj pou konprann sante ak byennèt apre akouchman ki baze sou opinyon moun ki fèk akouche. Sondaj yo vize pou pran enfòmasyon sou eksperyans ak santiman tankou estrès, dòmi, bay tete, ak bezwen sosyal.
Konbyen tan li pral pran?
Etid sa a konsiste de de sondaj ki pran alantou 6 semèn ak 12 semèn apre akouchman. Chak sondaj pral pran anviron 10 minit.
Èske mwen kalifye?
Pou patisipe nan etid sa a, ou dwe:
- Li Anglè, Panyòl, oswa Kreyòl Ayisyen
- Gen 18 an oswa plis
- Fè pitit ou akouche nan Boston Medical Center
- Fè ant 4 ak 8 semèn apre akouchman nan moman premye sondaj la
E si mwen pa ant 4 ak 8 semèn apre akouchman?
- Si w poko rive nan 4 semèn apre akouchman, ou ka bay enfòmasyon w pou nou kontakte w pou w patisipe lè w kalifye.
- Si ou gen plis pase 8 semèn apre akouchman, malerezman ou depase egzijans premye enskripsyon nou an.
E si mwen vle mete fen nan patisipasyon an anvan fini?
Si ou pa vle patisipe nan etid la ankò, ou ka kontakte ekip etid la pa imel oswa mesaj tèks.
Èske gen nenpòt risk nan patisipe?
Sa a se yon etid risk minim. Sepandan, nou pa ka garanti total anonimite.
Kisa ki pral rive enfòmasyon mwen an?
Yo pral itilize enfòmasyon ou yo pou konpare done yo rapòte pwòp tèt ou yo ak done ki nan dosye medikal elektwonik ou a. Enfòmasyon sa yo pral kenbe prive. Se sèlman ekip etid la ak moun ki jwenn apwobasyon envestigatè prensipal la ap gen aksè a enfòmasyon sa yo.
Èske mwen resevwa anyen pou mwen patisipe nan etid la?
Wi, nou apresye patisipasyon w. Patisipan yo pral resevwa yon kat kado elektwonik $10 pou ranpli chak sondaj. Patisipan yo ka resevwa yon $5 adisyonèl pou telechaje yon foto mezi tansyon yo.
Kouman pou mwen pran yon foto tansyon mwen an?
Si ou gen yon tansyonmèt lakay ou, pran tansyon w epi pran yon foto ekran an (ta dwe gen omwen de nimewo ak yon koupe ant yo). Ou ka fè menm bagay la nan yon vizit doktè oswa fanmsaj – pran yon foto tansyon an sou machin nan yo itilize yo tcheke pa w la. Yon lòt posibilite se pifò famasi tankou Walgreens ak CVS gen yon machin tansyon pou kliyan yo itilize ki sitiye bò fenèt famasi a.
Konbyen tan sa pral pran pou resevwa kat kado mwen an?
Lè w fin ranpli chak sondaj, yo pral voye yon imèl ba w kat kado nan 3-5 jou.