Fon rechèch

Poukisa rechèch sa a enpòtan?

Peryòd apre akouchman an, ki enkli semèn ak mwa apre ou fin akouche yon tibebe, se souvan yon tan kote gen anpil chanjman nan sante fizik ak mantal ou. Pwoblèm sante komen pou manman an pandan tan sa a se mal dòmi, enkyetid apre akouchman ak depresyon, estrès, tansyon wo, ak difikilte pou bay tibèbè tete. Anpil nan pwoblèm sa yo se tanporè, men kèk ka pèsiste plizye mwa apre ou fin fè tibebe w la.

Chanjman nan bezwen sosyal ak finansye souvan rive pandan peryòd sa a. Apre nesans yon timoun, fanmi yo ka fè fas ak chanjman nan sitiyasyon lojman yo. Anplis, fanmi yo plis depans tankou fòmil ak kouchèt. Pandan ke gen kèk nan chanjman sa yo espere, yo ka strese pou yon nouvo paran ak fanmi yo.

Objektif etid rechèch sa a se kolekte done pou konprann kijan konplikasyon sante ak bezwen sosyal yo chanje apre akouchman. Ekip nou an enterese aprann sou ki pwoblèm ki pi komen nan mitan pasyan ki nan Boston Medical Center ak kijan pwoblèm sa yo ka afekte sante w nan tan kap vini an. Youn nan pwoblèm sa yo ki enterese yo se tansyon wo. Tansyon wo apre nesans tibebe w la ka rive nenpòt moun e nou enterese aprann kisa ki ka lakòz tansyon wo pandan tan sa a.